११ असोज, चितवन । भरतपुर महानगरपालिका १ देवघाट स्थित नारायणी नदीमा पौडी खेल्न गएका एक बालक बेपत्ता भएका छन् । धादिङ महाबीरवेशी घर भई देवघाट बस्ने १६ वर्षीय अभिषेक अधिकारी बेपत्ता भएको प्रहरीले जनाएको छ ।

जिल्ला प्रहरी कार्यालय चितवनका अनुसार मंगलबार बेपत्ता बालक दिउँसो साढे १२ बजे नदीमा पौडी खेल्न गएका थिए ।

अस्थायी प्रहरी पोष्ट देवघाटमा उनी बेपत्ता भएको खबर प्राप्त हुनासाथ उनको खोजी कार्य सुरु गरिएको जिल्ला प्रहरी कार्यालय चितवनका प्रवक्ता विजयराज पण्डितले बताए । बेपत्ता बालकको खोजी कार्य भइरहेको प्रहरीले जनाएको छ ।