बार्सिलोना। विदेशमा बसाइँ सरेपछि मानिसले धेरै कुरा शून्यबाट सुरु गर्नुपर्छ- काम, भाषा, सम्बन्ध र कहिलेकाहीँ आफ्नै परिचय। सरला सापकोटा (४८) ले पनि स्पेन आएपछि त्यही गरिन्। नेपालमा नर्सका रूपमा वर्षौं काम गरिसकेकी उनी बार्सिलोना आइपुग्दा नयाँ भाषा र नयाँ समाजबीच आफ्नो पेसागत जीवन फेरि बनाउँदै थिइन्।

समय बित्दै जाँदा उनको चिन्ता आफ्नै जीवनभन्दा अर्को पुस्तातिर मोडियो। स्पेनमा जन्मिएका नेपाली बच्चाले भोलि नेपाली बोल्ला त? पढ्ला त? आफ्ना हजुरबा–हजुरआमासँग आफ्नै भाषामा कुरा गर्ला त ?