९ भदौ, काठमाडौं । प्रमुख प्रतिपक्ष दल नेकपा (एमाले) को पोलिटब्युरो बैठक आज बिहीबार बस्दैछ ।

बैठक बिहान ११ बजे पार्टी केन्द्रीय कार्यालय च्यासलमा बस्नेछ ।

बैठकले चुनावी तयारी तथा आसन्न केन्द्रीय कमिटीको बैठकको लागि एजेण्डा तय गर्नेछ ।

गत मंगलबार बसेको पार्टीको स्थायी कमिटीको बैठकले आजका लागि पोलिटब्युरो बैठक बोलाएको थियो ।

पोलिटब्युरो बैठकले भदौ १० र ११ गते बस्ने केन्द्रीय कमिटी बैठकको लागि एजेण्डा तयार पार्नेछ ।

१२ गते पार्टीको निर्वाचन परिचालन कमिटीको बैठक बस्नेछ ।

सत्तारूढ दलहरु तालमेल गरेर चुनावमा जाने भएपछि नेकपा एमाले दबाबमा छ । पार्टी अध्यक्ष केपी ओलीले यो चुनावमा एमाले एक्लै लड्नुपर्ने अवस्था आएको बताइसक्नुभएको छ ।

यद्यपी चुनावी तालमेलको लागि ढोका खुला राख्ने निर्णय एमालेले गरेको छ ।