नयाँ बजारस्थित एक गार्मेन्टमा आगलागी
१७ मंसिर, काठमाडौं । सोह्रखुट्टेको नयाँ बजारस्थित एक गार्मेन्टमा आगलागी भएको छ।
शुक्रबार दिउँसो करिब २ बजेदेखि आगलागी सुरू भएको महानगरीय प्रहरी वृत्त सोह्रखुट्टेका प्रहरी नायब उपरीक्षक दुर्गा दाहालले जानकारी दिए।
प्रहरीका अनुसार नयाँ बजारको प्राइम कलेज नजिकैको गार्मेन्टमा आगलागी भएको हो। अहिले आगलागी नियन्त्रणमा लिने प्रयास भइरहेको प्रहरीले जनाएको छ।
सो गार्मेन्ट कसको हो भन्ने खुलिनसेको प्रहरीले बताएको छ।
‘हामी अहिले आगलागी नियन्त्रण गर्ने प्रयास गरिरहेका छौं। चार-पाँच वटा दमकलबाट आगो निभाउने प्रयास गरिरहेका छौं,’ दाहालले भने।
प्रतिक्रिया दिनुहोस्