माछापोखरीमा डुबेर शिशुको मृत्यु
१६ मंसिर, संखुवासभा । घरनजिकैको माछापोखरीमा डुबेर एक शिशुको मृत्यु भएको छ । मृत्यु हुने संखुवासभा मकालु गाँउपालिका–५ चौलाखर्कका हर्कबहादुर तामाङका ८ महिने छोरा सक्षम तामाङ हुन् ।
उनी घरआँगनमा खेल्दाखेल्दै नजिकैको माछापोखरीमा डुबेका थिए ।
पोखरीमा डुबेर घाइते भएका शिशुलाई उपचारको निम्ति प्राथमिक स्वास्थ्य केन्द्र नुम पुर्याइएको थियो । शिशुको उपचारको क्रममा मृत्यु भएको हो ।
घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्