काठमाडौं : बंगालको खाडीमा बन्ने चक्रवात अर्णबुको सम्भावित खतरालाई ध्यानमा राख्दै भारतको ओडिशा सरकारले तयारी तीव्र बनाएको छ।मौसम विभागको पूर्वानुमान अनुसार,अक्टोबर २६ को बिहान पश्चिम(मध्य बंगालको खाडीमा चक्रवाती आँधी आउने जुन अक्टोबर २८ को बिहानसम्ममा आन्ध्र प्रदेश तट नजिक पुग्ने अनुमान गरिएको छ।

सम्भावित खतरालाई ध्यानमा राख्दै,ओडिशा सरकारले सबै सम्बन्धित विभागहरूलाई सतर्क रहन र समयमै आवश्यक कदम चाल्न निर्देशन दिएको छ।

यस अवधिमा जनधनको क्षति रोक्न सरकारले ‘शून्य दुर्घटना’ को लक्ष्य राखेको छ। मुख्यमन्त्री मोहन चरण माझीले भनेका छन्,’हामीले चक्रवात अर्णबको सम्भावित प्रभाव र यससँग जुध्ने उपायहरूको बारेमा समीक्षा बैठक गरेका छौं। मौसम विभागका अनुसार, चक्रवात अक्टोबर २८ को दिउँसो उत्तरी आन्ध्र प्रदेश र दक्षिणी ओडिशाको बीचमा कतै जमिनमा ठोक्किने अनुमान गरिएको छ। यसले दुवै राज्यका विभिन्न जिल्लाहरूमा भारी वर्षा गराउन सक्छ।’