समाचार सारांश

• काठमाडौंलाई हेटौँडासँग जोड्ने कान्ति लोकपथ अहिले धेरै प्रयोगमा छ।
• बीपी राजमार्गमा समस्या आएपछि पूर्व जाने सवारी साधनले पनि यो सडक प्रयोग गर्छन्।
• टिकाभैरव–हेटौँडा सडकमा पहिरो र हिलोका कारण सवारी आवागमनमा समस्या छ।

काठमाडौँ । देशको केन्द्रीय राजधानी काठमाडौँलाई बागमती प्रदेशको राजधानी हेटौँडासँग जोडने सडकमध्ये टीका भैरव–हेटौँडा सडक (कान्ति लोकपथ) अहिले सबैभन्दा चल्तीको सडक हो ।

पछिल्लो समय बीपी राजमार्गमा समस्या आएकाले हेटौँडा हुँदै पूर्व जाने सवारी साधनले पनि यो सडक प्रयोग गर्ने गरेका छन् । बाढीको जोखिमका कारण अहिले बीपी राजमार्गमा बेलुका ६ बजेदेखि बिहान ५ः ३० सम्म सवारी साधन चलाउन रोक लगाइएको छ ।

त्यसो त टीकाभैरव–हेटौँडा सडक पनि जोखिम रहित भने छैन। टीका भैरवदेखि भिमफेदी (बागमती पुलसम्म) ठाउँ ठाउँमा पहिरो झरेको छ । पानी परेपछि बाटो हिलो भएर सवारी साधन फस्ने समस्या छ । पानी परेको बेला हुस्सु लागेर भिजिबिलिटी निकै कम हुने गरेको छ ।

यसैगरी भिमफेदी (बागमती खोला) देखि मकवानपुर गढीसम्म ठाउँ ठाउँमा सुख्खा पहिरो जाने अनि ढुंगाहरु खस्ने भइरहेको छ । बाटो निर्माणको काम पनि भइरहेको छ ।

#कान्ति लोकपथ #सडक