राप्ती नदीमा फसेका तीन जनाको सकुशल उद्धार
समाचार सारांश
- बाँकेको राप्ती नदीमा फसेका तीन जनालाई सशस्त्र प्रहरीले सकुशल उद्धार गरेको छ।
- गाईबस्तु चराउन गएका उनीहरू बाढीका कारण नदीको बीच टापुमा फसेका थिए।
- उद्धार गरिएका व्यक्तिहरूमा मानसिंह धामी, लीलबहादुर खत्री र ससु वली रहेका छन्।
काठमाडौँ । बाँकेको राप्तीसोनारी गाउँपालिका–५ गोरधुई स्थित राप्ती नदीमा फसेका तीन जनाको सशस्त्र प्रहरीले सकुशल उद्धार गरेको छ ।
गाईबस्तु चराउन गएका उनीहरू राप्ती नदीमा बुधबार एक्कासि आएको बाढीको कारण बिच टापुमा फसेका थिए । सो बारे जानकारी पाउनासाथ सशस्त्र प्रहरी बल नेपाल नं ४२ रिजर्भ शंम्शेरगंज बाँकेबाट खटिएको गोताखोरसहितको सुरक्षा फौजले उनीहरूको सकुशल उद्धार गरेको हो ।
उद्धार गरिएकाहरूमा सोही गाउँपालिका–५ बस्ने ५२ वर्षीय मानसिंह धामी, ६९ वर्षीय लीलबहादुर खत्री र ५० वर्षीय ससु वली छन् । उनीहरूको अवस्था भने सामान्य रहेको सहप्रबक्ता डिएसपी शैलेन्द्र थापाले जानकारी दिए ।
प्रतिक्रिया दिनुहोस्