बैतडीका दुर्गम भेगमा विद्युत् सेवा विस्तार
समाचार सारांश
- शिवनाथ गाउँपालिकाको वडा २ शर्माली र ३ सौगडामा बिजुली सेवा विस्तार गरिएको छ।
- अध्यक्ष कर्णसिंह साउदका अनुसार शर्मालीका ५८ घरमा बिजुली पुगेको छ।
- विद्युतीकरणका बाँकी काम चाँडै सुरु गरिने बताइएको छ, जसले गर्दा अन्न कुट्ने मिल सञ्चालनमा सहयोग पुगेको छ।
बैतडी । जिल्लाको दुर्गम तल्लोस्वराड क्षेत्रस्थित शिवनाथ गाउँपालिकामा विद्युत् सेवा विस्तार भएको छ । गाउँपालिकाकाको वडा नं २ शर्माली र वडा नम्बर ३ सौगडामा विद्युत् सेवा विस्तार भएको हो ।
शिवनाथ गाउँपालिकाका अध्यक्ष कर्णसिंह साउदका अनुसार भारतसँग सिमाना जोडिएको शिवनाथ–२ शर्मालीका ५८ घरमा बिजुली पुगेको छ । वडा नम्बर ३ को सौगडामा पनि धमाधम विद्युतीकरण भइरहेको छ । बिजुली विस्तार गर्न बाँकी रहेका ४ र १ नम्बर चाँडै काम थालिने उनले बताए । शिवनाथका वडा नम्बर ५ र ६ मा यसअघि नै बिजुली बलिसकेको छ । गाउँमा बिजुली बलेसँगै अन्न कुट्नेपिस्ने मिल सञ्चालन भएका छन् ।
शिवनाथ क्षेत्रमा ११ केभी लाइन विस्तार गरेर बिजुली बालिएको नेपाल विद्युत प्राधिकरण बैतडी वितरण केन्द्रका प्रमुख जनार्दन पौडेलले जानकारी दिए ।
प्रतिक्रिया दिनुहोस्