News Summary

Generated by OK AI. Editorially reviewed.

• काठमाडौं महानगरपालिकाले असार १ देखि भदौ मसान्तसम्म सडक र फुटपाथ खन्न रोक लगाएको छ।
• सार्वजनिक निर्माण विभागले स्वीकृति र सहमति दिने कार्य रोकिएको जानकारी दिएको छ।
• वर्षायाममा सडक र फुटपाथ खन्न रोक लगाउने परम्परा अनुसार यस्तो निर्णय गरिएको हो।

३ असार, काठमाडौं । काठमाडौं महानगरपालिकाले दुई महिनाका लागि सडक र फुटपाथ खन्न रोक लगाएको छ । महानगरपालिकाले असार १ गतेदेखि भदौ मसान्तसम्म सडक र फुटपाथ खन्न रोक लगाएको हो ।

महानगरपालिकाको सार्वजनिक निर्माण विभागले जारी गरेको सूचना अनुसार असार १ गतेदेखि भदौ मसान्तसम्म सार्वजनिक सडक, फुटपाथ खन्न स्वीकृति र सहमति दिने कार्य रोकिएको छ ।

वर्षायाममा सडक र फुटपाथ खन्दा सवारी र पैदलयात्रीलाई आउ–जाउ गर्न गाह्रो हुने भएकाले हरेक वर्ष त्यस्ता काम गर्न रोक लगाउने गरिन्छ ।

जारी रहेका काम भने नरोकिने महानगरपालिकाले जनाएको छ ।

काठमाडौं महानगरपालिका