एसीसी प्रिमिअर कपमा नेपालको यात्रा सेमिफाइनलमै रोकियो
नेपाल र यूएईबीच भएको क्रिकेट भिडन्तमा यसपालि बाजी मार्ने पालो यूएईको रह्यो।
नेपाली ब्याटरहरूले निराशाजनक ब्याटिङ गरेको दिन यूएईले ओमानमा सञ्चालन भइरहेको एसीसी प्रिमिअर कपको सेमिफाइनलमा छ विकेटको सहज विजय प्राप्त गर्यो।
लीग चरणको चारवटै खेल जितेर प्रतियोगितामा प्रभावशालि देखिएको नेपाल महत्त्वपूर्ण सेमिफाइनलमा जम्न नसक्दा अर्को वर्ष हुने २० ओभरको एशिया कप क्रिकेटमा छनोट हुने अवसरबाट वञ्चित भएको छ।
टस हारेर पहिले ब्याटिङ पाएको नेपाल पूरा २० ओभर खेलेर ११९ रनको सामान्य स्कोरमा समेटिएको थियो।
जबाफमा यूएईले १७.१ ओभरमा चार खेलाडी गुमाउँदै नेपाललाई हरायो।
यूएई प्रतियोगिताको फाइनलमा पुगेको छ। अब उसले हङ्कङ वा ओमानमध्ये एकसँग फाइनलमा प्रतिस्पर्धा गर्ने छ।
फाइनल विजेता एशिया कपमा पुग्ने छ।
प्रतिक्रिया दिनुहोस्