२७ पुस, काठमाडौं । नेपाल कम्युनिष्ट पार्टी (एकीकृत समाजवादी) का अध्यक्ष माधवकुमार नेपाल आइसोलेसनमा बसेका छन् ।

केही दिनअघि नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र उनको सचिवालयका अधिकांशलाई कोरोना देखिएको थियो । प्रचण्डमा कोरोना पुष्टि हुन एकदिन अघि नेपाल र प्रचण्डबीच भेट भएको थियो ।

त्यसैले अध्यक्ष नेपाल आइसोलेसनमा रहेको र पिसिआर रिपोर्ट नआएसम्म भेटघाट तथा सार्वजनिक कार्यक्रममा सहभागी नहुने उनको सचिवालयले जनाएको छ ।

यसअघि कन्ट्र्याक ट्रेसिङमा परेका कारण प्रधानमन्त्री शेरबहादुर देउवा पनि आइसोलेसनमा थिए । तर उनको रिर्पोट निगेटिभ आएको छ ।