बालेन सरकारमाथि खनिए ओली, एमालेले पुनः सरकारको नेतृत्व गर्ने दाबी

काठमाडौं । नेकपा एमालेका अध्यक्ष केपी शर्मा ओलीले वर्तमान सरकारको कार्यशैलीप्रति तीव्र असन्तुष्टि व्यक्त गर्दै आफ्नो पार्टीले पुनः सरकारको नेतृत्व गर्ने दाबी गरेका छन् । काठमाडौंमा सुरु भएको पार्टीको राष्ट्रिय भेलालाई सम्बोधन गर्दै अध्यक्ष ओलीले वर्तमान सरकार स्वेच्छाचारी र दमनकारी बाटोमा अघि बढेको आरोप लगाउँदै सरकारमाथि आक्रोश पोखेका हुन् ।

सम्बोधनका क्रममा अध्यक्ष ओलीले मुलुक अहिले राजनीतिक आतंक र भयको छायामुनि चलिरहेको टिप्पणी गरे । सरकारको दमनकारी र प्रतिशोधी व्यवहारले देशलाई फाँसीवादतर्फ धकेलिरहेको आरोप लगाउँदै उनले आर्थिक रूपमा समेत देश लगातार अधोगतितर्फ गइरहेको जिकिर गरे ।

frontline

उनले भने, “देश भय र त्रासको वातावरणमुनि, असंवैधानिक र गैरकानुनी क्रियाकलापहरूको पेलाइमा तथा स्वेच्छाचारी शासनअन्तर्गत चलिरहेको छ । सरकारको दमनकारी र प्रतिशोधी व्यवहार अगाडि बढिरहेको छ भने आर्थिक हिसाबले देश लगातार अधोगतितर्फ गइरहेको छ ।”

प्रतिक्रिया दिनुहोस्

ताजा समाचार

frontline
poster-here