खुमलटारमा प्रचण्ड र शेखर कोइरालाबिच भेट
समाचार सारांश
- नेपाली कांग्रेसका नेता डा. शेखर कोइरालाले पूर्वप्रधानमन्त्री प्रचण्डसँग भेटवार्ता गर्नुभयो।
- उहाँहरूबीच समसामयिक राजनीतिक विषयमा छलफल भएको बताइएको छ।
- सत्ता गठबन्धनमा विवाद चलिरहेका बेला भएको भेटघाटलाई महत्त्वका साथ हेरिएको छ।
काठमाडौँ । नेपाली कांग्रेसका नेता डा.शेखर कोइरालाले पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेट गरेका छन् ।बिहीबार दिउँसो ३ बजेदेखि ५ बजेसम्म दुई घण्टा भेट भएको कोइरालाका स्वकीय सचिव दिनेशचन्द्र थपलियाले जानकारी दिए ।
थपलियाका अनुसार समसामयिक राजनीतिबारे छलफल भएको छ । पछिल्लो समय सत्ता गठबन्धनबिच विवाद चर्किरहेको बेला प्रचण्ड र कोइरालाबिच भएको भेटवार्तालाई अर्थपूर्ण रूपमा हेरिएको छ । ‘प्रचण्डसँग खुमलटारमा भेट भएको हो । समसामयिक राजनीतिबारे छलफल भएको हो’, रातोपाटीसँग उनले भने ।
प्रतिक्रिया दिनुहोस्