बन्धक बनाइएका ३५ नेपालीको भारतबाट उद्धार
समाचार सारांश
- नयाँ दिल्लीस्थित नेपाली दूतावासले भारतको उत्तराखण्डबाट ३५ नेपालीको उद्धार गरेको छ।
- आकर्षक जागिरको प्रलोभनमा पारी बन्धक बनाइएका नेपालीहरूलाई दूतावासले प्रहरीको सहयोगमा उद्धार गरेको हो।
- उद्धार गरिएका युवाहरूलाई कुटपिट र यातना दिने व्यक्तिहरूलाई उत्तराखण्ड प्रहरीले पक्राउ गरेको छ।
काठमाडौँ । नयाँ दिल्लीस्थित नेपाली राजदूतावासले ३५ जना नेपालीहरूको उद्धार गरेको छ । आकर्षक जागिरको प्रलोभनमा भारतको उत्तराखण्डको काशीपुर पुर्याई बन्धक बनाइएका ३५ नेपालीहरूको दूतावासले उद्धार गरेको हो ।
दूतावासले शनिबार एक विज्ञप्ति जारी गर्दै उत्तराखण्ड प्रहरी र केआइन इन्डियाको सहयोगमा उनीहरूको उद्धार गरिएको जनाएको छ । उत्तराखण्ड पुर्याइएका युवाहरूलाई कुटपिट र यातना दिँदै विभिन्न शीर्षकमा रकम समेत असुल गरेको आरोपमा केही व्यक्तिहरूलाई उत्तराखण्ड प्रहरीले पक्राउ गरेको समेत दूतावासले जनाएको छ ।
प्रतिक्रिया दिनुहोस्