प्रमुख तीन दलका शीर्ष नेताको बैठक सिंहदरबारमा
समाचार सारांश
- शुक्रबार सिंहदरबारमा तीन दलका शीर्ष नेताहरूको बैठक बस्ने भएको छ। बैठकमा संसद अवरोध हटाउने, बजेट र विधेयकबारे छलफल हुनेछ।
- बुधबार र बिहीबार बस्न नसकेको बैठकमा भिजिट भिसा छानबिन, बजेटमाथि छलफल र विधेयक अघि बढाउने विषयमा छलफल हुनेछ।
- माओवादीले संसद खोल्न सहमति जनाए पनि रास्वपा र राप्रपाको विरोधका कारण विधेयक अघि बढ्न सकेको छैन।
काठमाडौँ । प्रमुख तीन राजनीतिक दलका शीर्ष नेताको बैठक आज (शुक्रबार) बस्ने भएको छ । सिंहदरबारस्थित प्रधानमन्त्री तथा मन्त्रिपरिषद्को कार्यालयमा दिउँसो २ बजे बैठक बस्ने तय भएको प्रधानमन्त्रीको सचिवालयले जनाएको छ ।
प्रमुख ३ दलको बैठक बुधबार र बिहीबार बस्ने भनिए पनि नेताहरूको व्यस्तताका कारण बस्न सकेको थिएन ।
भिजिट भिसा प्रकरणमा छानविनको माग राख्दै संसदमा भइरहेको अवरोध खुलाउने, बजेटमाथिको छलफल र विधेयकहरू अघि बढाउने विषयमा छलफल गर्न प्रमुख तीन दलका शीर्ष नेताको बैठक बस्न लागेको हो ।
नेकपा माओवादीले संसद् अवरोध खुलाउन सहमति गरेपनि चौथो दल रास्वपा र अर्को दल राप्रपा विरोधमा छन् । जसले गर्दा महत्त्वपूर्ण विधेयक अघि बढाउन र विरोध विनै बजेटमाथिको छलफल गर्न सम्भव भएको छैन ।
प्रतिक्रिया दिनुहोस्