नेपाली सेनाद्वारा बडी मालिका मन्दिर पुनर्निर्माण
समाचार सारांश
- नेपाली सेनाले बाजुराको बडी मालिका मन्दिर पुनर्निर्माण सम्पन्न गरेको छ।
- पुनर्निर्माण कार्य २०८१ चैत २८ गते सुरु भई असार २३ गते सम्पन्न भएको हो।
- प्राचीन स्मारक संरक्षण ऐन अनुसार पुरानो मौलिक स्वरूपमा मन्दिर पुनर्निर्माण गरियो।
काठमाडौँ । नेपाली सेनाले बाजुरास्थित बडी मालिका मन्दिर पुनर्निर्माण सम्पन्न गरेको छ ।
२०८१ चैत २८ गतेबाट सुरु गरिएको पुनर्निर्माण कार्य असार २३ गते सम्पन्न भएको सेनाले बिहीबार जारी गरेको विज्ञप्तिमा उल्लेख छ ।
प्राचीन स्मारक संरक्षण ऐन, २०१३ (पाँचौँ संशोधन सहित) को परिधिभित्र रही पुरातत्त्व विभागको स्वीकृत ड्रइङ डिजाइन तथा प्राविधिक सहयोग एवम् बाजुरास्थित त्रिवेणी नगरपालिकाको समन्वयमा परम्परागत निर्माण सामग्रीहरूको प्रयोग गरी पुरानो मौलिक स्वरूप अनुसार पुनर्निर्माण कार्य सम्पन्न गरिएको सेनाको भनाइ छ ।
प्रतिक्रिया दिनुहोस्