मिश्रविरुद्ध राज्यविरुद्धको कसुर, आपराधिक उपद्रव, सङ्गठित अपराध र एकीकृत कसुरमा सजाय माग दाबी गरी मुद्दा दर्ता भएको छ ।

News Summary

Generated by OK AI. Editorially reviewed.

• ३ असार काठमाडौंमा तीनकुने घटनाका आरोपी रवीन्द्र मिश्र राप्रपाका वरिष्ठ उपाध्यक्ष हुन् र अदालतमा उपस्थित भएका छन्।
• शवलशम्शेर राणा महामन्त्री पनि अदालतमा आएका थिए र ३ लाख धरौटीमा छुटेका छन्।
• मिश्रविरुद्ध जेठ ११ गते मुद्दा दर्ता भएको थियो र उनी पूर्वपक्षका लागि थुनामा जाने निर्णय हुनेछ।

३ असार, काठमाडौं। तीनकुने घटनाका आरोपी रवीन्द्र मिश्र काठमाडौं जिल्ला अदालतमा उपस्थित भएका छन् । उनी राप्रपाका वरिष्ठ उपाध्यक्ष हुन् ।

सोही घटनाका आरोपी राप्रपाकै महामन्त्री शवलशम्शेर राणा सोमबार अदालतमा उपस्थित भएका थिए । र, उनी ३ लाख धरौटीमा छुटेका छन् ।

आज अदालत उपस्थित भएका मिश्रको पनि आज नै थुनछेक बहस हुनेछ । त्यसपछि उनी पूर्वपक्षका लागि थुनामा जाने वा नजाने निर्णय हुनेछ ।

मिश्रविरुद्ध यही जेठ ११ गते राज्य विरुद्धको कसुर, आपराधिक उपद्रव, सङ्गठित अपराध र एकीकृत कसुरमा सजाय हुन माग दाबी गरी मुद्दा दर्ता भएको थियो ।

गत चैत १५ गते राजावादीले आयोजना गरेको प्रदर्शन भड्किएर हिंसात्मक बनेको थियो । २ जनाको मृत्यु हुने गरी भएको घटनामा मिश्रले उत्तेजक अभिव्यक्ति दिएका थिए ।

सोही घटनाका योजनाकार मानिएका दुर्गा प्रसाईंलाई भने अदालतले थुनामा पठाउन आदेश दिइसकेको छ ।

अदालत रवीन्द्र मिश्र