जाजरकोटमा बस दुर्घटना हुँदा पाँच जनाको मृत्यु, २७ जना घाइते
१२ मंसिर, सुर्खेत । जाजरकोटको भेरी नगरपालिका–१३ बराहचौरमा बस दुर्घटना हुँदा पाँच जनाको मृत्यु भएको छ । नेपालगञ्जबाट जाजरकोट जाँदै गरेको ना ६ ख २७५७ नम्बरको बस गएराति २ बजे दुर्घटना भएको हो । दुर्घटनामा अन्य २७ जना घाइते भएका छन् ।
बसमा ३२ जना यात्रु सवार रहेको प्रहरीले जनाएको छ । दुर्घटना स्थलबाट जाजरकोट सदरमुकाम पुग्न करिब १० किलोमिटर छ ।
मृतकहरुको सनाखत नभएको जिल्ला प्रहरी कार्यालय जाजरकोटले जनाएको छ । घाइतेहरुको जिल्ला अस्पताल जाजरकोटमा अपचार भइरहेको छ । घटनाबारे विस्तृत विवरण आउन बाँकी छ ।
प्रतिक्रिया दिनुहोस्