वासिङ्टन डीसी : अमेरिकाको ह्वाइट हाउसस्थित ओभल अफिसमा आयोजित एक विशेष कार्यक्रममा विभिन्न देशका शीर्ष वार्ताकारहरूले लेबनान र इजरायलबीचको युद्धविराम विस्तारको स्वागत गरेका छन्। 

राष्ट्रपति डोनाल्ड ट्रम्प, उपराष्ट्रपति जेडी भान्स र सिनेटर मार्को रुबियोको उपस्थितिमा ती कूटनीतिज्ञहरूले मध्यपूर्वमा शान्ति स्थापनाका लागि ट्रम्पले चालेको कदमको खुलेर प्रशंसा गरे।

छलफलका क्रममा इजरायली राजदूत येचिएल लाइटरले राष्ट्रपति ट्रम्पको कडा नीतिका कारण इरान कमजोर भएको दाबी गरे। उनले भने, ‘तपाईंको नेतृत्वमा इरानको शक्ति यसरी क्षीण भएको छ कि अब हिजबुल्लाहलाई परास्त गरी लेबनानलाई उनीहरूको कब्जाबाट मुक्त गर्ने सपना साकार हुने देखिन्छ।’