सुख्खा पहिरो खस्दा एकको मृत्यु, एक जना घाइते
१३ माघ, रसुवा, (नेस) । रसुवा जिल्लाको आमाछोदिङ्मो गाउँपालिका–५ तातोपानी नजिकै सालासुंगी हाइड्रोपावरको सडक विस्तारका क्रममा सुख्खा पहिरो खस्दा बुधबार एक जनाको मृत्यु भएको छ भने अर्को एक जना घाइते भएका छन् ।
मृत्यु हुनेमा गोसाइँकुण्ड गाउँपालिका–६ ठाडेका ५५ वर्षका ग्याल्वो छिरिङ तामाङ रहेका छन् ।
उनको घटनास्थलमै ज्यान गएको हो । घाइते हुनेमा आमाछोदिङमो गाउँपालिका–५ गोङगाङ गाउँका ५४ वर्षका कार्साङ तामाङ रहेका छन् ।
घाइतेलाई सिम्रिक एयरको हेलिकोप्टरबाट उपचारका लागि काठमाडौं लगिएको प्रहरीले जनाएको छ ।
प्रतिक्रिया दिनुहोस्