२९ फागुन, काठमाडौं । साफ यु–१८ च्याम्पियनसिपमा भाग लिन नेपाली महिला टोली भारत प्रस्थान गरेका छन् ।

आगामी चैत १ गतेदेखि भारतमा आयोजना हुने साफ यु–१८ महिला च्याम्पियनसिपमा भाग लिन नेपाली टोली आइतबार प्रस्थान गरेको हो । 

सहभागि हुने नेपाली महिला टोलीलाई शुक्रबार अखिल नेपाल फुटबल संघ (एन्फा) ले एक कार्यक्रमबीच विदाई गरेको छ।

एन्फा मुख्यालयमा एक कार्यक्रमको आयोजना गरेर महिला टोलीलाई विदाई गरिएको हो । प्रतियोगिताका लागि मुख्य प्रशिक्षक दर्शन भक्तराज लावतले बिहीबार २३ सदस्यीय खेलाडीको नाम सार्वजनिक गरेका थिए।