फ्रन्टलाइन, काठमाडौँ । काठमाडौँमा शुक्रबार सांकेतिक भाषामा अभिव्यक्ती कला प्रतियोगिता नामको विशेष कार्यक्रम सम्पन्न भएको छ । अप्टीमिस्ट क्लब अफ काठमाडौँ द्धारा राष्ट्रिय बहिरा महासंघको प्राविधिक सहयोगमा केन्द्रिय बहिरा मावीको प्रांङ्गण नक्सालमा सो कार्यक्रम सम्पन्न भएको हो ।
चुनौतीपुर्ण घडीमा आशावादी रहनु भन्ने शिर्षक रहेको सो अभिव्यक्ति कला प्रतियोगितामा ६ जना बहिरा विद्यार्थीहरुले प्रतिस्पर्धा गरेका थिए । प्रतियोगितामा रक्षा भडेल प्रथम भइन भने सुजीना नेपालले द्धितिय स्थान हाँसिल गरिन । यस्तै विपना गुरुङ्गले तृतिय स्थान हात पारिन । बिजेताहरुले नगद पुरस्कार सहित प्रमाणपत्र प्राप्त गरेका थिए । सोही कार्यक्रमका बिच अन्य विभिन्न विद्यार्थीहरुले पनि विभिन्न खालका आकर्षक कला प्रस्तुत गरेका थिए ।
कार्यक्रममा काठमाडौँ महानगरपालिका वडा नम्बर १ का अध्यक्ष भरतलाल श्रेष्ठ, राष्ट्रिय बहिरा महासंघका महासचिव सन्तोष केसी, अप्टिमिस्टिक क्लब अफ काठमाडौँका कोषाध्यक्ष प्रकाश घिमिरे, काठमाडौँ महानगरपालिकाका शिक्षा विभाग स्कुल निरिक्षक मोती भटराई, केन्द्रिय बहिरा मावीका प्रधानाध्यापक उपेन्द्र पराजुली लगायत अन्य विभिन्न क्षेत्रका व्यक्तित्व एवम् विद्यार्थीहरुको उपस्थिती थियो ।