सवारी दुर्घटना हुँदा एक जनाको मृत्यु
७ माघ, काठमाडौं । कपिलवस्तुको शुद्धोधन गाउँपालिका–६ बिमियाका सवारी दुर्घटना हुँदा एक जनाको मृत्यु भएको छ ।
शनिबार बिहान पौने नौ बजे लु २ ख ४२२६ नम्बरको बसले साइकल यात्रीलाई ठक्कर दिँदा साइकल यात्रुको मृत्यु भएको जिल्ला प्रहरी कार्यालय कपिलवस्तुले जनाएको छ । बसले लु ४ त ५४१९ नम्बरको ट्याक्टरलाई ठक्कर दिँदा अनियन्त्रित भई साइकल यात्रीलाई ठक्कर दिएको हो ।
मृत्यु हुनेमा सोही गाउँपालिका वडा नम्बर ३ गुलरीको वर्ष ३० को विन्दकुमार कहारको मृत्यु भएको छ ।
जिल्ला प्रहरी कार्यालय कपिलवस्तुका प्रहरी उपरीक्षक प्रेमबहादुर बस्नेतका अनुसार बसमा सवार छ जना र ट्याक्टरमा सवार दुई जना घाइते भएको बताउनुभयो । बस र ट्याक्टर चालक फरार रहको प्रहरीले जनाएको छ ।
प्रतिक्रिया दिनुहोस्