सल्यानमा जीप दुर्घटना, आठ जनाको मृत्यु
१२ असोज, सल्यान । सल्यानमा जीप दुर्घटना हुँदा आठ जनाको मृत्यु भएको छ । जीप बुधबार बिहान २ बजेतिर दुर्घटनामा परेको हो ।
बाँकेबाट छुटेको उक्त जीप सल्यानको कपुरकोट गाउँपालिका रिमनजिकैको मूलपानी भन्ने स्थानमा दुर्घटनामा परेको प्रहरीले जनाएको छ ।
दुर्घटनामा ८ जनाको मृत्यु भएको पुष्टि भएपनि उनीहरुको पहिचान भने खुलेको छैन ।
दुर्घटनामा गम्भीर घाइते भएका एक जनालाई उपचारको लागि दाङ लगिएको प्रहरीको भनाइ छ ।
जीप सडकदेखि करिब दुई सय मिटर तल खसेको प्रहरीको भनाइ छ ।
प्रतिक्रिया दिनुहोस्