४ कात्तिक, काठमाडौं । पश्चिमी प्रशान्त महासागरको माइक्रोनेसिया क्षेत्रनजिक विकसित भएको सुपर टाइफुन चम्पी सन् २०२६ कै शक्तिशाली समुद्री आँधीमध्ये एक बनेको छ ।

वेदर नेटवर्कका अनुसार हावाको गतिका आधारमा सुपर टाइफुन चम्पी सन् २०२६ को विश्वकै शक्तिशाली उष्णकटिबन्धीय चक्रवात हो ।

पश्चिमी प्रशान्त महासागरमा विकसित यस आँधीको अधिकतम हावाको गति २९६ किलोमिटर प्रतिघण्टा पुगेको छ । यो गति पाँचौँ श्रेणीको शक्तिशाली आँधीको स्तरमा पर्छ ।

यसअघि पूर्वी प्रशान्त महासागरमा विकसित हरिकेन पोलो सन् २०२६ को सबैभन्दा शक्तिशाली उष्णकटिबन्धीय चक्रवात थियो । पोलोको अधिकतम निरन्तर हावाको गति २८५ किलोमिटर प्रतिघण्टा पुगेको थियो ।