सत्ता गठबन्धनमा हालसम्म १५७ निर्वाचन क्षेत्रको भागबन्डा टुंगियो
१३ असोज, काठमाडौं । सत्ता गठबन्धनमा सहभागी दलहरुबीच प्रतिनिधि सभा सिट बाँडफाँटमा लगभग सहमति भएको छ ।
केही क्षेत्रमा मात्रै गठबन्धनले टिकटको भागबन्डा टुंग्याउन बाँकी रहेको छ । हालसम्म १५७ निर्वाचन क्षेत्रको भागबन्डा टुंगिएको छ ।
जसअनुसार नेपाली कांग्रेसले ८५ निर्वाचन क्षेत्र पाउने सहमति भएको छ । त्यस्तै नेकपा माओवादी केन्द्रले ४१ निर्वाचन क्षेत्र पाउने सहमति भएको छ । त्यस्तै माधवकुमार नेपाल नेतृत्वको एकीकृत समाजवादीले १७ सिट पाउने सहमति गरिएको छ ।
त्यस्तै जनता समाजवादी पार्टीले १२ निर्वाचन क्षेत्र, जनमोर्चाले २ निर्वाचन क्षेत्र पाउने सहमति गरिएको कार्यदल स्रोतले जनाएको छ ।
केही क्षेत्रमा नेता व्यवस्थापन गर्नुपर्ने भएकाले सहमति हुन सकेको छैन । अहिले १७ क्षेत्रमा दोहोरो तेहरो दाबी कायमै रहेको जनाइएको छ ।
प्रतिक्रिया दिनुहोस्