रोशी खोलाले बगाउँदा एक पुरुष र भैँसी बेपत्ता
५ साउन, काभ्रेपलान्चोक । काभ्रेपलान्चोकको रोशी गाउँपालिका-१ खहरे पाँगुमा रोशी खोलाले बगाउँदा एक पुरुष र भैँसी बेपत्ता भएको छ।
नमोबुद्ध नगरपालिका वडा नं ९ का ज्ञान ब लामा भैँसी चराएर खोला तर्ने क्रममा रोशी खोलाले बगाएको जिल्ला प्रहरी कार्यालय काभ्रेका डीएसपी हरि खतिवडाले जानकारी दिए।
रोशी खोला तर्ने क्रममा ज्ञान बहादुर लामा र भैँसीलाई खोलाले बगाएको र उनीहरुको खोजीकार्य जारी रहेको डीएसपी खतिवडाले बताए। रातिको समय भएकाले खोजीकार्यमा कठिनाइ भएको प्रहरीको भनाइ छ।
भैँसीसहित मान्छे बगाएपछि स्थानीयहरुले प्रहरीलाई खबर गरिएको रोशी गाउँ पालिका वडा नं १ का वडा अध्यक्ष श्रीदास लामाले बताए।
प्रतिक्रिया दिनुहोस्