आइतबार, काठमाण्डु । राष्ट्रिय प्रजानतन्त्र पार्टी (राप्रपा) को केन्द्रीय कार्यसम्पादन समितिको बैठक आइतबार बस्दैछ ।

काठमाण्डुको एक पार्टी प्यालेसमा अपराह्न तीन बजे बस्ने बैठकमा पार्टी महाधिवेशन र समसामयिक बिषयमा छलफल हुने नेता राजाराम श्रेष्ठले जानकारी दिएका छन् ।

आगामी कार्तिक २७ देखि ३० गतेसम्म पार्टीको महाधिवेशन गर्ने तय भएको राप्रपामा पार्टी गतिशिल नभएको भन्दै पार्टीभित्रबाटै आलोचना हुने गरेको छ ।

उक्त बैठकमा अध्यक्ष कमल थापाको संयोजकत्वमा रहेको समितिले तयार पारेको स्थानीय तहको निर्वाचन सम्बन्धी प्रतिवेदन छलफलका लागि प्रस्तुत गर्ने तयारी गरेको जनाइएको छ ।