मोटरसाइकल दुर्घटना हुँदा एकको मृत्यु
८ पुस, बुटवल । गुल्मीमा मोटरसाइकल दुर्घटना हुँदा एक जनाको मृत्यु भएको छ।
बिहीवार बेलुकी रिडी-तम्घास सडकखण्ड अन्तर्गत बिरवासबाट भेडुवातर्फ जाँदै गरेको लु १७ प ६४५२ नम्बरको मोटरसाइकल अनियन्त्रित भई दुर्घटना हुँदा गुल्मी दरवार गाउँपालिका-४ का ३० वर्षीय मोटरसाइकल चालक पदम ढेगा मगरको मृत्यु भएको जिल्ला प्रहरी कार्यालय गुल्मीका डीएसपी पुरुषोत्तम प्रसाद पाण्डेले जानकारी दिए।
दुर्घटनामा घाइते भएका मगरको श्रृङ्गा स्वास्थ्य चौकीमा प्राथमिक उपचारको क्रममा मृत्यु भएको डीएसपी पाण्डेले बताए।
मोटरसाइकलमा सवार ३३ वर्षीय धनबहादुर ढेगा मगर घाइते भएका छन्।
प्रतिक्रिया दिनुहोस्