मोटरसाइकल दुर्घटना हुँदा भारतीय नागरिकको मृत्यु, एकजना घाइते
९ पुस, काठमाडौं । रुपन्देहीको तिलोत्तमा नगरपालिका १५ पञ्चकन्यामा आज बिहान मोटरसाइकल दुर्घटना हुँदा एकजनाको मृत्यु भएको छ । एकजना घाइते भएका छन् ।
मृत्यु हुनेमा मोटरसाइकल चालक भारतीय नागरिक ३० वर्षीय सन्दीप कुमार दुवे रहेका प्रहरीले जनाएको छ । भैरहवास्थित युनिभर्सल कलेज अफ मेडिकल साइन्स अस्पतालमा उपचारको क्रममा आज बिहान ६ बजे मृत्यु भएको हो ।
घाइते भएका मोटरसाइकलमा पछाडि सवार रुपन्देहीकै बुटवल उपमहानगरपालिका १३ बेलबासका ६२ वर्षीय तेज बहादुर रानाको सोही अस्पतालमा उपचार भइरहेको छ ।
बुटवलबाट भैरहवातर्फ जाँदै गरेको भारतीय नम्बरको मोटरसाइकल आज बिहान ५ बजे अनियन्त्रित भई रेलिङमा ठोकिएर दुर्घटना भएको थियो ।
प्रतिक्रिया दिनुहोस्