२२ साउन, काठमाडौं । सिन्धुपाल्चोकको मेलम्ची नगरपालिका- ११ सिमखेतस्थित भीरमा अड्किएका एकजना व्यक्तिको सकुशल उद्दार गरिएको छ। 

भीरमा अड्किएका ३५ वर्षीय छिरिङ शेर्पाको सशस्त्र प्रहरीको टोलीले सकुशल उद्दार गरेको प्रहरीले जनाएको छ।

हेलम्बु गाउँपालिका -१ तिम्बुका ३५ वर्षीय छिरिङ शेर्पा गोरेटो बाटो हिंड्ने क्रममा चिप्लिएर बाटोबाट करिब ५० मिटर तल मेलम्ची खोलामाथिको भीरमा अड्किएका थिए।

घटनाबारे जानकारी पाउना साथ सशस्त्र प्रहरी बल नेपाल खानेपानी आयोजना सुरक्षा बेस मेलम्ची र इलाका प्रहरी कार्यालय मेलम्चीबाट गएको सं‌युक्त टोलीले उनको उद्दार गरेको हो।