मुगुमा पहिरोले एक्स्काभेटरसहित चालक पुरिए, सहचालक घाइते
२६ असोज, सुर्खेत । मुगुको खत्याड गाउँपालिका–११ बिरा खोलामा सुक्खा पहिरो खस्दा एक्स्काभेटरसहित चालक पुरिएका छन् । सहचालक घाइते भएका छन् ।
आज बिहान करिब ८:३० बजे मुगु–रारा भित्री सडकखण्ड अन्तर्गत बेलीब्रिज पुल जोड्ने नयाँ सडकको कटिङ गर्ने क्रममा सुक्खा पहिरो खसेको हो । पहिरोमा बा ३ क ३२७६ नम्बरको एक्स्काभेटर र त्यसका चालक २४ वर्षीय विमल बाग पुरिएका हुन् । बागको स्थायी ठेगाना बझाङ रहेको भए पनि पूरा ठेगाना खुल्न नसकेको प्रहरीले जनाएको छ ।
प्रतिक्रिया दिनुहोस्