माछा मार्ने क्रममा करेन्ट लागेर एक जनाको मृत्यु
२९ माघ, झापा । झापाको मेचीनगर–१३ स्थित फुलबासा खोलामा माछा मार्ने क्रममा करेन्ट लागेर एक जनाको मृत्यु भएको छ ।
मृत्यु हुनेमा मेचीनगर–१३ का ५० बर्षीय मानबहादुर रसाइली रहेका छन् ।
आफ्नो घरबाट करेन्ट लगाएर खोलामा माछा मार्नेक्रममा रसाइलीको मृत्यु भएको मेचीनगर–१३ का वडाध्यक्ष कृष्णराज सिग्देलले जानकारी दिए ।
शनिबार ५ बजे बराइलीले घरबाट १५ मिटर पश्चिम खोलामा करेन्ट लगाएर माछा मार्ने क्रममा घाइते भएका थिए ।
तत्कालै उनलाई उपचारका लागि चारआलीस्थित मनकामना अस्पताल लैजाँदै गर्दा बाटैमा मृत्यु भएको उनले बताए ।
अहिले मृतक बराइलीको शव पोसमार्टमका लागि भद्रपुर लगिसकेको र घटना सम्बन्धमा थप अनुसन्धान गरिरहेको प्रहरीले जनाएको छ ।
प्रतिक्रिया दिनुहोस्