२२ साउन, विराटनगर । बिजुलीको बोर्डमा तार जोड्ने क्रममा करेन्ट लागेर शनिबार राति विराटनगरमा एक जनाको मृत्यु भएको छ ।

मोरङ प्रहरीका प्रवक्ता डीएसपी दीपक श्रेष्ठका अनुसार करेन्ट लागेर विराटनगर महानगरपालिका–८ का ३० वर्षीय राजु मुखियाको मृत्यु भएको हो । 

आफ्नै घरको बिजुलीको बोर्डमा तार जोड्ने क्रममा राति ९ बजेतिर करेन्ट लागेर मुखिया घाइते भएका थिए ।

उपचारका लागि विराटनगरको कोसी अस्पताल पुर्याउनसाथ चिकित्कसले मृत घोषित गरेको डीएसपी श्रेष्ठले बताए ।

शव पोस्टमार्टमका लागि कोसीमा राखेर घटनाको अनुसन्धान सुरु गरिएको प्रहरीले जनाएको छ ।