२० भदौ, काठमाडौं । बारामा मोटरसाइकल दुर्घटना हुँदा एकजनाको मृत्यु भएको छ । एकजना घाइते भएका छन् ।

कलैया उपमहानगरपालिका २३ कोईरीया टोलमा गएराति मोटरसाइकल दुर्घटना हुँदा एकजनाको मृत्यु भएको हो । 

वीरगञ्जबाट कलैयातर्फ आउँदै गरेको ना २४ प १३९४ नम्बरको मोटरसाइकल गएराति सवा ९ बजे अनियन्त्रित भइ पल्टिँदा स्थानीय ३२ वर्षीया हजरा खातुनको मृत्यु भएको हो ।  

गम्भीर घाइते भएकी उनको उपचारका क्रममा कलैया प्रादेशिक अस्पतालमा मृत्यु भएको हो । घाइते भएका मोटरसाइकल चालकको सोही अस्पतालमा उपचार भइरहेको छ ।