बाढीपहिरोबाट १५ दिनमा ६७६ परिवार विस्थापित
काठमाडौँ । यस वर्ष मनसुन शुरू भएसँगै बाढी पहिरोबाट ६७६ घर परिवार विस्थापित भएका छन् ।
असारको १५ दिनमा बाढीपहिरोका १४४ वटा घटना भएका छन् ।
यी घटनामा २७ जनाको मृत्यु भएको छ, २६ जना बेपत्ता छन् ।
बाढीबाट ५८४, पहिरोबाट ३७ र भारी वर्षाबाट ५५ गरी ६७६ घरपरिवार विस्थापित भएका हुन्, ५७२ निजी आवासमा क्षति पुगेको छ ।
यसमध्ये ११० घर आंशिक र ४६२ घर पूर्ण क्षति भएका छन् ।
प्रतिक्रिया दिनुहोस्