बर्दियामा जंगली हात्तीको आक्रमणबाट महिलाको मृत्यु
१८ पुस, बर्दिया । बर्दियामा जंगली हात्तीको आक्रमणबाट एक महिलाको मृत्यु भएको छ।
आइतबार राजापुर नगरपालिका- बस्ने ५४ वर्षीया भुसिया थारूको हात्तीको आक्रमणबाट मृत्यु भएको जिल्ला प्रहरी कार्यालयका प्रहरी नायब उपरीक्षक हेमबहादुर शाहीले जानकारी दिए।
थारू दशगजा नजिकै बाख्रा चराउन गएकी थिइन्। त्यसैक्रममा हात्तीले आक्रमण गर्दा उनको मृत्यु भएको हो। प्रहरीलाई दिउँसो ३ बजे खबर भएको हो। यस सम्बन्धमा प्रहरीले थप कानुनी प्रक्रिया अघि बढाएको छ।
प्रतिक्रिया दिनुहोस्