नेपाल प्रहरीमा बढुवा समितिले दिने अंकभार फेरबदल गर्न प्रस्ताव गरिएको छ । संघीय संसद् सचिवालयमा दर्ता भएको विधेयकमा शैक्षिक योग्यताबापतको अंक घटाउन प्रस्ताव गरिएको हो । यसअघि इस्पेक्टरभन्दा माथिका अधिकृतहरूले बढुवा हुँदा शैक्षिक योग्यताबापत १० अंक पाउँथे । 

प्रस्तावित ऐनमा शैक्षिक योग्यताबापत ७ अंक दिन प्रस्ताव गरिएको छ । प्रहरी स्टाफ कलेज पुरा गर्ने अधिकृतहरूलाई बढुवामा प्राथमिकता दिइएको छ । स्टाफ कलेज बापत ४ अंक दिने व्यवस्था विधेयकमा छ । 

२०७० मा भर्ना भएका इन्स्पेक्टरको समूहबाट प्रहरीले स्टाफ कलेज लागु गरेको छ । स्टाफ कलेज नगर्नेहरू प्रहरी वरिष्ठ उपरीक्षक भन्दा माथि जान पाउँदैनन् ।