मेवालाल यादव

जनकपुरधाम (मधेश प्रदेश)।
प्रदेश सांसद राम आशिष यादवले जनकपुरधामलाई कला, साहित्य, संस्कृति र संस्कारको अद्वितीय संगम रहेको भन्दै यसलाई नेपालको सांस्कृतिक राजधानीको रूपमा व्याख्या गरेका छन्।

सांसद यादवका अनुसार जनकपुरधाम केवल धार्मिक स्थल मात्र होइन, यो त्यस्तो पवित्र भूमि हो जहाँ भक्ति, ज्ञान र परम्पराको सुन्दर समन्वय पाइन्छ।

“यो नै त्यो पवित्र भूमि हो जहाँ माता सीताको जन्म भयो, जहाँ राम–सीता विवाह संस्कारले मानव सभ्यतालाई मर्यादा र प्रेमको सन्देश दियो,” — सांसद यादवले बताए।

उनीका अनुसार जनकपुरधामको समृद्ध मैथिली साहित्य, लोककला, संगीत र धार्मिक आस्थाले यस क्षेत्रको सांस्कृतिक पहिचानलाई अझ बलियो बनाएको छ।
सांसद यादवले भने,

“कला र संस्कृति संरक्षण गर्नु केवल विगतको सम्मान होइन, यो हाम्रो भविष्य निर्माणको माध्यम हो।”

यादवले प्रदेश र संघीय सरकारलाई जनकपुरधामको धार्मिक पर्यटन, सांस्कृतिक संरक्षण र साहित्यिक प्रवर्द्धनलाई प्राथमिकतामा राख्न आग्रह गरेका छन्।

“देवभूमि जनकपुरधाम केवल श्रद्धा र पूजाको केन्द्र होइन, यो हाम्रो आत्मा, हाम्रो अस्मिता र हाम्रो गौरव हो,” — सांसद यादवको भनाइ।

स्थानीय बुद्धिजीवी र साहित्यकारहरूले पनि सांसद यादवका विचारको प्रशंसा गर्दै भने —
जनकपुरधाम साँच्चै त्यस्तो भूमि हो जहाँ संस्कारले संस्कृति र संस्कृतिले समाजलाई समृद्ध बनाएको छ।