२३ कात्तिक, दाङ । प्युठानमा फाेर्स गाडी दुर्घटना हुदा तीन जनाको मृत्यु भएको छ । प्युठान नगरपालिका-५ पूर्णगाउँमा खैराबाट पूर्णगाउँ तर्फ जादै गरेकाे लु १ ज ३७०७ नम्बरको फाेर्स गाडी दुर्घटनामा परेकाे हाे ।

प्युठान नगरपालिका-५ पातल कटेरी निवासी ५२ बर्षिया मैमा घर्ती, साेहि ठाउँ निवासी ४३ बर्षिया बच्चि थापा, ४६ बर्षिय खुमन थापाकाे घटनास्थलमा मृत्यु भएको जिल्ला प्रहरी कार्यालय प्युठानले जनाएको छ ।

दुर्घटनामा परेर १२ जना घाइते भएका छन । घाइतेहरुकाे जिल्ला अस्पताल प्युठानमा उपचार भइरहेको छ । दुर्घटना राति २:३० बजे भएको थियाे । गाडी सडक देखि दुई सय मिटर तल खसेकाे छ ।