पूर्वाञ्चल र मध्यपश्चिम विश्वविद्यालयका पूर्वनिर्धारित परीक्षा स्थगित
७ माघ, काठमाडौं । पूर्वाञ्चल विश्वविद्यालय र मध्यपश्चिम विश्वविद्यालयले पूर्वनिर्धारित परीक्षा स्थगित गरेका छन् ।
मध्यपश्चिम विश्वविद्यालय परीक्षा व्यवस्थापन कार्यालयले परीक्षाका सबै कार्यक्रम स्थगन गरेको जनाएको छ ।
कोरोना संक्रमण जोखिमलाई मध्यनजर गर्दै आजदेखि परीक्षा स्थगित गरिएको हो ।
परीक्षा व्यवस्थापन प्रमुख डा. आनन्दप्रसाद सुवेदीले अर्को सूचना जारी नभएसम्म परीक्षा स्थगन गरिएको जानकारी दिए ।
पूर्वाञ्चल विश्वविद्यालयका परीक्षा नियन्त्रक मोहन बस्नेतका अनुसार परीक्षा निर्देशन समितिको बैठकले परीक्षा स्थगित गर्ने निर्णय गरेको हो ।
यसअघि त्रिभुवन विश्वविद्यालय, लोकसेवा आयोगले पूर्व निर्धारित परीक्षा स्थगित गरेका छन् ।
प्रतिक्रिया दिनुहोस्