३ मंसिर काठमाडौं । पुस २ गते सार्वजनिक हुने चपली हाइट ३ को आज शुक्रबार ट्रेलर सार्वजनिक भएको छ। फिल्म निर्माण समूहद्वारा राजधानीमा पत्रकार सम्मेलन गरी ट्रेलर सार्वजनिक गरिएएको हो।

स्वस्तिमा खड्का, लक्ष्मी बर्देवा, सुपुष्पा भट्ट, अर्पण थापा, अमिर गौतम, महेश त्रिपाठी, जीवन भट्टराई, प्रतीकमान श्रेष्ठ, दीपाश्री निरौलालगायत कलाकारको अभिनय छ।

कार्यक्रममा फिल्मका निर्माता अर्जुन कुमारका अनुसार यही पुष २ गते देशभरका हलबाट एकै पटक प्रदर्शन हुने जानकारी दिए। 

झन्डै २ वर्षपछि सिनेमा हलमा दर्शक आउने सम्भावना देखिएकोले नेपाली निर्माता तथा निर्देशकहरु आफ्ना फिल्म रिलिज गर्ने अवस्थामा पुगेका हुन्।

‘लामो समयको अन्तरालपछि हामी हलमा फिल्म रिलिज गर्ने तयारीमा छौं,’ निर्माता अर्जुनले भने, ‘दर्शकको माया र साथको अपेक्षा राखेका छौं।’

 ‘चपली हाइट’ शृंखलाका रुपमा बन्ने यो फिल्म हिन्दी भाषामा पनि सार्वजनिक हुनेछ। निर्माता अर्जुनका अनुसार यसको डबिङको काम भारतमा हुँदैछ। अघिल्ला दुई श्रृखंलालाई दीपेन्द्र के खनालले निर्देशन गरेका थिए।

यसअघिका चपली हाइटजस्तै फिल्मले दर्शकलाई हलसम्म तान्ने कुरामा निर्माता अर्जुन आशावादी छन्।