News Summary

Generated by OK AI. Editorially reviewed.

• विद्युत प्राधिकरणले प्रणालीमा देखिएको प्राविधिक समस्याका कारण बारम्बार विद्युत अवरुद्ध भएको जनाएको छ।
• नेपाल र भारतबीचको ४०० केभी ढल्केबर मुजफरपुर लाइनमा समस्या आएपछि विद्युत आपूर्ति प्रभावित भएको हो।
• प्राधिकरणका कार्यकारी निर्देशक हितेन्द्रदेव शाक्यले समस्या समाधानका लागि निर्देशन दिएका छन् र लोडसेडिङ नहुने बताएका छन्।

१ वैशाख, काठमाडौं । विद्युत वितरण प्रसारणमा समस्या देखिएपछि विद्युत प्राधिकरका कार्यकारी निर्देशक हितेन्द्रदेव शाक्यले प्रणाली सञ्चालन विभाग स्विचाटारको निरीक्षण गरेका छन् ।

प्रणालीमा समस्या देखिएपछि कार्यकारी निर्देशक शाक्यले आकस्मिक अवलोकन गरेका हुन् ।

विभागमा प्रत्यक्ष रूपमा बसेर उनले ढल्केबर गृड महाशाखाका प्रमुख विनोद लोहनीलाई निर्देशन दिई समस्या समाधानका लागि अग्रसरता लिएका छन् ।

भारतबाट नेपालमा हाल बिजुली आयात भइरहेको ४०० केभी ढल्केबर मुजफरपुर लाइनमा भारततर्फ आएको समस्याले गर्दा पटकपटक विद्युत अवरुद्ध भइरहेको छ ।

‘विशुद्ध प्राविधिक समस्याको कारण विद्युत प्रसारण पटकपटक अवरुद्ध भएको प्राधिकरणले जनाएको छ । ‘यो विशुद्ध प्राविधिक समस्या हो । त्यसैले यसलाई लोडसेडिङ जोड्ने गलत छ ।’

आजै तीनपटकसम्म प्रसारण अवरुद्ध भएको छ । पहिलोपटक साँझ साढे ६ बजेतिर अवरुद्ध भएको बिजुली करिब एक घण्टापछि आएको थियो ।

करिब ८ बजे पुनः आएको बिजुली १५ मिनेटपछि पुनः अवरुद्ध भएको छ । यसबाट काठमाडौंसहित देशको अधिकांशको जनजीवन प्रभावित बनेको छ ।

विद्युत अवरुद्ध |हितेन्द्रदेव शाक्य