१६ असोज, ढल्केवर(धनुषा) । धनुषाको ढल्केवरस्थित एक पेट्रोल पम्पमा आगलागी भएको छ। आइतबार साँझ मिथिला नगरपालिका-६ ढल्केवस्थित रहेको धनुष ट्रेडर्सको पेट्रोल पम्पमा आगलागी भएको हो।

इलाका प्रहरी कार्यालय ढल्केवरको प्रहरी टोलीले स्थानीय र दंगा प्रहरीको वारुणयन्त्रको सहयोगमा आगलागी नियन्त्रणमा लिएको हो। आगलागीका कारण खुल्न नसकेको प्रहरीले जनाएको छ।

आगलागीबाट भएको क्षतिको विवरण संकलन गर्ने कार्य भइरहेको इलाका प्रहरी कार्यालय ढल्केवरका प्रहरी निरीक्षक रामसागर सिंहले जानकारी दिए। घटनाका विषयमा अनुसन्धान थालिएको उनले बताए।