दोलखा विगु गाउँपालिका-४ मा पहिरो, ४० घर बस्न नमिल्ने गरी क्षति
२५ साउन, दोलखा । दोलखाको विगु गाउँपालिका-४ मा पहिरो गएको छ ।
अध्यक्ष संजीव ओलीले पहिरोमा परी केही घर पुरिएका र ४० घरमा बस्न नमिल्ने गरी क्षति पुगेको बताए ।
उनले भने, ‘ पहिरोका कारण केही घर पुरिएका छन्। र, करिब ४० घरमा बस्न नमिल्ने गरी क्षति पुगेको छ।’
अध्यक्ष ओलीका अनुसार अहिले पीडितलाई आसपासका सुरक्षित स्थानमा व्यस्थापन गर्ने क्रम रहेको बताए । यद्यपि मानवीय क्षति नभएकाे उनको भनाइ छ ।
चारैतिर वर्षासहित पहिरो निरन्तर झरेपछि तत्काल उद्धारमा समस्या भएको प्रहरी नायव उपरिक्षक गंगाप्रसाद पौडेलले बताए । उनका अनुसार क्षतिको पूर्ण विवरण आउन बाँकी छ ।
प्रतिक्रिया दिनुहोस्