मुम्बई । बलिउड अभिनेत्री दीपिका पादुकोण एसियाकै प्रभावशाली महिलाको पहिलो स्थान ओगट्न सफल भएकी छन्। टेलिभिजन र चलचित्र क्षेत्रको प्रभावशाली महिलाको सूचीमा दीपिकाले पहिलो स्थान ओगटेकी हुन्।

बेलायतको गाला बिंगोले दीपिकालाई एसियाकै प्रभावशाली महिलाको सूचीमा पहिलो स्थानमा राखेको हो। यो अनुसन्धानका लागि सामाजिक सञ्जालमा रहेका फलोअर्स, गुगल सर्च तथा विभिन्न विषयलाई माध्यम बनाइएको थियो।

दीपिकाको इन्स्टाग्राममा ६ करोड फलोअर्स छन्। उनी यसअघि सन् २०१८ मा विश्वका एक सय प्रभावशाली महिलाको सूचीमा परेकी थिइन्। दीपिका भारतीय चलचित्र उद्योग बलिउडकी सबैभन्दा बढी पारिश्रमिक लिने अभिनेत्री हुन्।