दाङमा बस दुर्घटना, ४२ जना घाइते, ५ जनाको अवस्था गम्भीर
१५ असोज, दाङ । दाङमा बस दुर्घटना हुँदा ४२ जना घाइते भएका छन् ।
घाेराहीबाट लमहीतर्फ जाँदै गरेको रा १ ख १८ ४५ नम्बरको बस घोराही उपमहानगरपालिका–३ चौपट्टामा दुर्घटना भएकाे हाे ।
जिल्ला प्रहरी कार्यालय दाङका अनुसार ओरालोमा बस अनियन्त्रित भई पल्टिँदा घाइते भएका मध्ये ५ जनाको अवस्था गम्भीर रहेको प्रहरीले जनाएको छ ।
प्रहरी प्रवक्ता राजनकुमार गौतमले गम्भीर घाइते लमही नगरपालिका–८ बस्ने २६ वर्षका दीपककुमार चौधरीलाई थप उपचारका लागि नेपालगञ्ज रिफर गरिएको बताउनुभयाे ।
उनका अनुसार अन्य घाइतेको दाङकै राप्ती स्वास्थ्य विज्ञान प्रतिष्ठानमा उपचार भइरहेको छ ।
प्रहरीका अनुसार गाडीको ब्रेक फेल भई भित्तामा ठोक्किएर दुर्घटना भएको हो ।
प्रतिक्रिया दिनुहोस्