तारकेश्वर नगरपालिकाको प्रमुख र उपप्रमुखमा कांग्रेसको विजय
३ जेठ, काठमाडौं । काठमाडौंको तारकेश्वर नगरपालिकाको प्रमुख र उपप्रमुखमा नेपाली कांग्रेसले विजय हाँसिल गरेको छ ।
स्थानीय तहको वैशाख ३० गते सम्पन्न मतदानको मंगलबार बिहान सम्पन्न मतगणनामा कांग्रेसका उम्मेदवार कृष्णहरि महर्जनले ११ हजार २२३ मत ल्याएर विजय भएका हुन्।
उनका निकटतम प्रतिद्वन्द्वी नेकपा (एमाले) का उम्मेदवार रामेश्वर बोहोराले सात हजार ३५९ मत प्राप्त गरे।
यस्तै, नेकपा (एकीकृत समाजवादी) का उम्मेदवार लवकुमार बस्नेतले दुई हजार २०६ मत प्राप्त गरे।
यस्तै, उपप्रमुखमा कांग्रेसकै उम्मेदवार सिर्जना बुर्लाकोटीले १० हजार २२४ मत प्राप्त गरी विजयी भइन् । उनको निकटतम् प्रतिद्वन्द्वी एमालेका उम्मेदवार भवानी डोटेलले सात हजार ५६३ मत प्राप्त गरिन्।
यस्तै, उपप्रमुखमा माओवादीका उम्मेदवारले दुई हजार ६९५ मत प्राप्त गरे।
कुल ११ वडा रहेको तारकेश्वरमा ३५ हजार ८२ मतदाता रहेकामा २६ हजार ७०२ मत खसेको थियो ।
खसेको मतमध्ये प्रमुख पदमा दुई हजार ४१० र उपप्रमुख पदमा दुई हजार ९६३ मत बदर भएको छ।
प्रतिक्रिया दिनुहोस्