टिपरको ठक्करबाट मोटरसाइकल चालकको मृत्यु
८ भदौ, काठमाडौं । कलंकी स्थित खसीबजारमा मंगलबार राति टिपरको ठक्करबाट मोटरसाइकल चालकको मृत्यु भएको छ ।
कलंकीबाट बल्खुतर्फ जाँदै गरेको बाग्मती प्रदेश ०१–००६–ख २८९३ नम्बरको टिपरले सोही दिशातर्फ जाँदै गरेको बा ८१ प ४१२९ नम्बरको मोटरसाइकललाई ठक्कर दिँदा मोटरसाइकल चालक धादिङको छत्रे देउराली–२ का १८ वर्षीय विश्वास रञ्जितकारको मृत्यु भएको ट्राफिक प्रहरी प्रभाग कलंकीले जनाएको छ ।
दुर्घटनामा गम्भीर घाइते भएका रञ्जितकारको उपचारका क्रममा राष्ट्रिय ट्रमा सेन्टरमा मृत्यु भएको हो ।
टिपर सहित चालकलाई नियन्त्रणमा लिएको प्रहरी वृत्त कालिमाटीले जनाएको छ ।
प्रतिक्रिया दिनुहोस्